江忠德谈欧冠:巴塞同曼联捉心理玩战术

发表时间:2008-04-28 11:30    来源:雅虎体育

    第1页/共1页 << 上一页 | 下一页 >>

红魔鬼喺下半季「魔性」大发,连续喺欧联同英超踢出慑人气势,球员一定要有超乎常人嘅坚定赢波决心,先至能够踢得出呢股气势,上场摸和布力般嘅少少苦楚等於激励,费爵爷仲用埋苦肉计,专登放料话如果今季能够成为双料冠军嘅话,佢就要告老还乡,可想而知家阵曼联球员家阵扯晒火,要为佢老人家搏命,巴塞喺呢个时间要做拦路马好难啦!曼联喺英超捧杯好稳阵,近期後防乱乱地,费爵爷就将「进攻便是最佳防守」嘅作战意识发挥到淋漓尽致,可以好有效抵消後防所承受嘅压力。
巴塞喺同城打比闷和爱斯宾奴,千祈唔好以为佢地留力,其实夹埋近八场西甲已经有七场赢唔到波,自从细哨同球会唔妥之後,成队波气氛好差,大牌球星侧侧膊只喺杯赛搏一搏,西甲战线根本唔上心,自然被皇马抛离,连列卡特都话当务之急系要恢复士气,但系面对状态大勇嘅曼联,边有咁容易谷得起!